Kíktu í kaffi og með því

Núna klukkan 11:00 þá verður opið í Háholti félagsheimili Sjálfstæðismanna þar sem þú getur hitt frambjóðendur og spjallað með léttum morgunverði og kaffisopa.

Það verður glatt á hjalla og svo tekur landsleikurinn við klukkan 13:00 og ég er sannfærður um að öll þjóðin er að fylgjast með.

Þetta er svo síðasti laugardagur fyrir prófkjörið og stóra stundin að fara að renna upp.

 

Við þurfum að stórauka ferðaþjónustu og auka til muna afþreyingarmöguleika og svæði fyrir ferðamenn með það að markmiði að ferðamönnum fjölgi.

 Mosfellsbær er fallegur bær sem bíður uppá endalausa útivistarmöguleika, göngu- og hestaferðir, ásamt ýmsum hlaupaleiðum. Glæsilegar sundlaugar og íþróttasvæði ásamt því að við erum með tvo frábæra golfvelli og mótorkrossaðstöðu og margt fleira, þá vantar okkur tilfinnanlega almennilega aðstöðu fyrir ferðafólk hvort sem það er innlent eða erlent. Mosfellsbær á að geta boðið uppá alla þjónustu og vera „sveit í borg“ og gefa ferðalöngum kost á því að sameinast á góðu almenningssvæði og slá upp tjaldborgum með allri nauðsynlegri aðstöðu. Þetta bíður uppá það að við getum haldið hér stórviðburði á við Landsmót og fleiri stórviðburði. Með þessu aukum við enn möguleika bæjarins á því að auka tekjur sínar með aukinni verslun í heimabyggð.

Offita barna og unglinga.

Í dag var sett í loftið ný heimasíða sem fjallar um offitu barna og unglinga http://lettariaeska.is/

Á síðunni sem er farið yfir þá staðreynd að offita barna hefur aukist til muna á síðustu árum og áratugum.  Þar er líka farið yfir það hvað er til ráða, hverjar eru afleiðingarnar og margt fleira.

Ég set hérna texta beint af síðunni sem segir hverjar heilsu leiðir og ráð eru til að koma í veg fyrir offitu barna og unglinga. Þetta er frábær síða og gott framtak og sannar enn og aftur hvað íþróttir og hreyfing er holl fyrir alla.

 

Ráð

Þegar ná á árangri í ofþyngd og offitu barna og unglinga er mikilvægt að hafa í huga að megrunarkúrar eru ekki æskileg leið þar sem börn eru að vaxa og þroskast og þurfa á fjölbreyttu og næringarríku mataræði að halda. Árangur í  ofþyngd er langtímamarkmið sem miðast að því að börn og unglingar í örum vexti hætti að þyngjast þar til líkamsþyngd samsvarar líkamshæð og barnið er komið í kjörþyngd. Æskilegt er að unglingar sem eru ekki lengur í örum vexti missi um 0,5 til 1 kg. á viku þar til kjörþyngd er náð og viðhalda þeirri þyngd.

Mikilvægast er að leggja áherslu á aukna hreyfingu sem og hollt og skynsamlegt mataræði. 

Hreyfing

• Börn þurfa reglulega hreyfingu a.m.k eina kls. á dag
• Börn þurfa margbreytilega hreyfingu
• Börn þurfa hvatningu til þess að stunda skipulagða íþróttastarfsemi
• Börn þurfa hvatningu til að viðhalda þeirri hreyfingu sem þau hafa tileinkað sér
• Börn þurfa hvatningu til að stunda leiki, útileiki og aðra almenna hreyfingu
• Börn þurfa hvatningu í að ganga eða hjóla á milli staða í stað þess að fara á bíl
• Börn þurfa reglur um sjónvarpsáhorf og tölvuleikja notkun, ekki meira en tvo tíma á dag

Mataræði

• Börn þurfa að borða reglulega eða fimm til sex sinnum á dag
• Börn þurfa að borða morgunmat
• Börn þurfa að kynnast fjölbreyttu mataræði frá unga aldri
• Börn þurfa hollt og næringarríkt mataræði sem hæfir aldri þeirra og þroska
• Börn þurfa að borða ávexti og grænmeti, minnst fimm á dag
• Börn þurfa að hafa reglulega matmálstíma
• Börn þurfa að borða fisk a.m.k tvisvar í viku
• Börn þurfa að borða fituminni mjólkurvörur í stað fituríkra
• Börn þurfa að borða trefjaríkan mat
• Börn þurfa að borða lítið af sælgæti
• Börn þurfa að drekka mikið vatn
• Börn þurfa að drekka lítið af gosdrykkjum

Foreldrar gegna lykilhlutverki í baráttunni við ofþyngd barna.  Foreldrar sem eru of þungir eru líklegri til að skapa umhverfi sem stuðlar að ofþyngd og offitu barna. Foreldrar geta minnkað líkurnar á því að börn verði of feit á fullorðinsárum með því að vera fyrirmynd barna sinna og lifa heilbrigðu líferni, stunda reglulega hreyfingu og temja sér hollar og góðar matarvenjur.

 

Fréttatilkynning á mbl.is í dag

Rúnar Bragi Guðlaugsson, innkaupastjóri Fríhafnarinnar, hefur ákveðið að gefa kost á sér í 4. sæti í prófkjöri sjálfstæðismanna í Mosfellsbæ. Rúnar situr í stjórn sjálfstæðisfélagsins í Mosfellsbæ og hefur verið sjálfboðaliði hjá Aftureldingu, samkvæmt fréttatilkynningu.

Rúnar Bragi er með diploma frá Endurmennt Háskóla Íslands í rekstrar- og viðskiptafræði og markaðs- og útflutningsfræði.

Rúnar er 37 ára, giftur Bylgju Báru Bragadóttur og eiga þau saman 2 börn, Braga Þór 15 ára og Birtu Rut 8 ára.

Rúnar Bragi stefnir á fjórða sætið í Mosfellsbæ

Spennan í hámarki

Það er rosalegt að sjá hvað íslensku strákarnir eru að standa sig vel á EM. Núna er hálfleikur og Ísland yfir á móti Króötum.  Spennan í hámarki og vonandi klára þeir þetta með glæsibrag.

Áfram Ísland

Vel heppnað þorrablót.

Þorrablótinu lauk eiginlega ekki fyrr en fór að líða á seinni part dags í dag. Eftir að hafa verið komin heim rétt fyrir klukkan fimm í fyrrinótt eftir létta tiltekt þá var hafist handa aftur í dag kl. 12:00 til að klára að þrífa og koma öllu á sinn stað. Taka saman dansgólfið, sviðið, tjöldin, barina, kælana,dósirnar, ruslið, stólana, borðin og allt hitt.

Ég fékk símtal frá bróður mínum í dag og þegar maður fer að telja upp í símanum allan undirbúninginn og smáatriðin sem þorrablótsnefndin þarf að hafa í huga þá eiginlega fattaði maður það sjálfur hvað það er í raun ótrúlega mikið sem þarf að huga að fyrir eitt stykki þorrablót.

Maður fer að skilja orðatiltækið "Róm var ekki byggð á einum degi" þegar allt þetta er afstaðið.

Mér langar að nota tækifærið og þakka öllum sem eru með mér í nefndinni fyrir frábæran árangur og glæsilegt kvöld í gær. Og allir þeir sem komu að þessu með okkur eiga heiður skilið.

Ég segi líka til hamingju allir Mosfellingar fyrir glæsilegt þorrablót og vonandi er þetta komið til að vera um ókomna framtíð.

Þorrablótið er í kvöld

Í kvöld hefst þorrablót Aftureldingar og verður mikið um dýrðir. Þorrablótið er orðin stór partur í menningarlífi Mosfellinga og alltaf verið vel tekið.

Fyrir þá sem ekki komast í matin og skemmtunina þá eru allri velkomnir á ballið. En húsið opnar kl. 23:30 fyrir ballgesti. Bob Gillan og Ztrandverðirnir munu hita upp fyrir Ingó og veðurguðina.

Sjáumst á Þorrablótinu.

Það þarf að efla og fjölga atvinnuskapandi verkefnum í Mosfellsbæ.

Eitt af stóru málunum í bæjarfélaginu okkar er að til stendur að reisa sjúkrahús og hótel við köldukvíslagljúfur austast á Tungumelum.  Sjúkrahús sem sérhæfir sig í mjaðmaliða- og hnjáaðgerðum. Ef þetta verður að veruleika er stórt skref unnið í fjölgun á atvinnu í sveitafélaginu og það þarf að halda áfram og byggja upp og fá fleiri fyrirtæki sem gætu nýtt sér þau tækifæri  sem geta skapast við þetta uppbyggingu. Ekki aðeins að það skapi fleiri störf heldur einnig eru þetta góðar aukatekjur fyrir bæjarfélagið á þessum erfiðu tímum á Íslandi, sem allir Mosfellingar munu njóta góðs af. Arfleið svona verkefnis mun samstundis skila sér til bæjarbúa sem og annara fyrirtækja og stofnana í bænum.

Nú hlýtur vélin að vera farin í gang.

Miðað við það hvernig mínir menn í Liverpool spiluðu í gær þá hljóta þeir að vera búnir að taka hausin úr sandinum og farnir að gera sig grein fyrir því að þeir þurfa að sigra til að ná markmiðum sínum.

Flottur sigur þótt allar aðal stjörnurnar hafi ekki verið með.  

 

Kuyt tryggði Liverpool sigur á Tottenham

Eflum miðbæinn okkar

Vinnum markvisst að því að gera Mosfellsbæ að áhugaverðum bæ til að búa í með því að efla miðbæinn og alla almenna starfsemi og þjónustu í  bænum.       

Með eflingu miðbæjartorgs og uppbyggingar nýrrar Kirkju , framhaldsskóla og annara fyrirtækja verður hægt að vinna markvist í því að efla líf og þjónustu við nýtt miðbæjartorg, og hægt að tengja aðrar byggingar og starfsemi við torgið og bjóða uppá blómlegt líf og verslun,hvort sem það er á sumri til eða vetri. Það væri til að mynda hægt að virkja útimarkaði og vera með lifandi tónlist og skemmtanir sem mundu heldur betur lífga upp á miðbæjarstemninguna og um leið verða aðdráttunarafl útávið.

 

Það er ekki svona sem menn takast á í Mosfellsbæ.

Skemmtilegt hvernig menn takast á úti í hinum stóra heimi. 

Gaman af þessari frétt á mbl.is 

Þótt íslenskir þingmenn takist oft hart á er það gert munnlega og í samræmi við strangar reglur og hefðir. Í Asíu kemur hins vegar fyrir að þingmenn láti hendur skipta, líkt og gerðist í þingi Taívan í morgun.

Harðar deilur hafa verið milli stjórnar og stjórnarandstöðu á Taívan um lagafrumvarp, sem gerir ráð fyrir að dómarar verði skipaðir en ekki kjörnir eins og nú er. 

Deilurnar voru svo harðar að upp úr sauð og þingmenn stjórnarflokksins KMT slógust við stjórnarandstæðinga í DPP.

Það fylgir sögunni að lagafrumvarpið var á endanum samþykkt.   

Sjá link Slagsmálaþing

Slagsmálaþing

Björt framtíð í Mosfellsbæ

Grein eftir mig sem birtist í Mosfellingi 15. janúar. 

Þegar við fjölskyldan fluttum í Mosfellsbæ í febrúar 2006 þá höfðum við lengi horft til bæjarins með þann draum í hjarta að einn daginn skyldum við festa hér rætur. Þetta byrjaði allt saman árið 1997 þegar ég hóf að leika með Handknattleiksfélagi Mosfellsbæjar (HM). Árið 2000 gengum við hjónin í það heilaga og það kom ekkert annað til greina en að gifta sig í fallegustu kirkju landsins, Lágafellskirkju. Ári síðar var dóttir okkar skírð í sömu kirkju. Eftir það var ekki aftur snúið. 

Komum Mosfellsbæ á kortið

Það hefur mikið áunnist í bæjarfélaginu okkar á undanförnum árum og þegar allt lék í lyndi á Íslandi þá fórum við ekki varhluta af því. Mikill uppgangur var og heilu hverfin risu í túnfætinum. Frá því að síðast var kosið í bænum hefur íbúafjöldi aukist um rúm 15%. Næstu fjögur ár verða að öllum líkindum erfið og þurfum við á öllum okkar kröftum að halda til að bæta ekki fleiri álögum á þegna þessa bæjarfélags. Það hafa hinsvegar mörg önnur bæjarfélög þurft að gera og munu þurfa að gera á næstu árum.  En hvað getum við gert til þess að fá tekjur í bæjarfélagið án þess að það komi allt frá íbúunum sjálfum? Jú, við þurfum að gera bæinn okkar áhugaverðan fyrir fyrirtæki, félagasamtök og stofnanir. Það þarf að fá fólk til að heimsækja okkur og nýta sér þá þjónustu og verslun sem hér er í boði. Góðar fréttir bárust í miðri kreppu þegar gengið var frá samningi um byggingu einkasjúkrahúss og hótels á Tungumelum. Með þessum tímamótasamningi fylgja ótrúlega mörg tækifæri fyrir okkur Mosfellinga. Við þurfum að gera allt sem í okkar valdi stendur til að halda rétt á spilunum og tryggja okkur í sessi sem áhugaverður og eftirsóknarverður áningarstaður.

Brettum upp ermar

Ég er tilbúinn til að leggja mitt af mörkum til að gera bæinn okkar að enn betri bæ og vinna ötullega fyrir Mosfellinga. Hvort sem það er í íþrótta- og æskulýðsmálum, atvinnu, umhverfis eða skólamálum að ég tali nú ekki um skipulagsmálin. Þrátt fyrir að vera eitt best rekna sveitarfélagið á landinu þá er alltaf tækifæri til að gera betur. Brettum upp ermar og byrjum að vinna til framtíðar fyrir okkur öll. Ég óska eftir stuðningi þínum í 4. sæti í prófkjöri sjálfstæðismanna sem fram fer þann 6. febrúar.  

Í tilefni framboðsins hef ég opnað bloggsíðu, www.runarbragi.blog.is og þar verður hægt að fylgjast með skrifum mínum og áherslumálum. 

Rúnar Bragi Guðlaugsson 

Tökum þátt í aðstoðinni

Það er hræðilegt að fylgjast með úr fjarlægð og maður getur í raun ekki sett sig í spor heimamanna.

Það er þó hægt að leggja íbúum Haíti lið með því að láta gott af sér leiða í gegnum Rauða Kross Íslands.

Smelltu hér til að láta gott af þér leiða. http://raudikrossinn.is/

Rauði kross Íslands hefur þegar sent söfnunarfé til neyðaraðgerða Alþjóða Rauða krossins vegna hamfaranna í Haítí. Um 17 milljónir króna hafa safnast á fyrstu tveimur sólarhringunum. Ljóst er að mikil þörf verður fyrir fjármagn vegna uppbyggingar á eyjunni í kjölfar neyðaraðgerðanna

Rústabjörgun Íslendinga (myndband)

Glæsilegur Mosfellingur

Til hamingju Embla með það að vera valin Mosfellingur ársins.

Embla á þetta sannarlega skilið og ég veit að bæjarbúar eru sammála og stoltir af því hvað Embla hefur staðið sig vel þrátt fyrir fötlun sína.

Frábært framtak hjá bæjarblaði okkar og frábærlega vel valið.

Embla Ágústsdóttir Mosfellingur ársins

Verður allt vitlaust í kvöld?

Í kvöld kl. 19:30 verða síðustu borðin líklegast seld á N1.

Verður biðröð út að dyrum eða hvað?

Sjáumst í seinni umferð í kvöld.

Fyrstur kemur fyrstur fær borð..