Rúnar Bragi Guðlaugsson

Rúnar Bragi Guðlaugsson

Æviágrip

Fjölskylda

Rúnar Bragi Guðlaugsson er fæddur 7. maí  1973 í Reykjavík. Foreldrar eru Guðlaugur Bragi Gíslason  og Elín Hrönn Jónsdóttir.  Rúnar er giftur Bylgju Báru Bragadóttir sölustjóra fyrirtækjasviðs hjá Pennanum og saman eiga þau tvö börn,  Braga Þór fæddur 1994 og Birtu Rut fædd 2001.

Menntun og störf

Rúnar hóf nám í Fjölbrautaskólanum í Breiðholti 1989 á félagsfræðibraut,  en hóf fljótt  nám á veitingabraut skólans  með samning hjá Pottinum og Pönnunni.  Einu og hálfu ári síðar fór Rúnar út í eigin rekstur til ársins 1994 þegar hann hóf störf hjá Nýherja hf.  Hjá Nýherja starfaði Rúnar í sölu og markaðsmálum fyrir félagið til ársins 2006 þegar hann gerðist innkaupastjóri hjá Fríhöfninni í Flugstöð Leifs Eiríkssonar í Keflavík.  Rúnar lauk diplomanámi í Markaðs- og útflutningsfræðum 2001 og Rekstrar- og viðskiptafræði frá Endurmennt Háskóla Íslands 2003.

Félagsstörf

Rúnar hefur tekið virkan þátt í félagsmálum , hann er núverandi formaður starfsmannafélags Keflavíkurflugvallar og Fríhafnarinnar. Rúnar var einnig formaður starfsmannafélags Nýherja árið 1997. Rúnar hefur setið í stjórn Barna og unglingaráðs Aftureldingar og Íþróttafélags Reykjavíkur, ásamt því að sinna hinum ýmsu sjálfboðastörfum í þágu Aftureldingar. Rúnar hefur verið formaður Þorrablótsnefndar Aftureldingar síðastliðin 3 ár.